O Cíber de Mao (Avenida do Concello, 1), en Fene, acolle desde onte e durante todo o mes a exposición “Retratos”, do artista ferrolán Siro López. Entre a pintura e o debuxo, Siro ofrece unha mostra na que inclúe imaxes de persoeiros como Picasso, Ricardo Segura Torrella, Yolanda Castaño, Valle-Inclán ou Camilo José Cela, entre outros, non faltando tampouco un autorretrato. Trala inauguración de onte, a exposición pode visitarse de luns a venres en horario de 10.30 a 13.30 e de 17.00 a 21.30 horas e os sábados de 10.30 a 13.30.