Este ano, coincidindo co décimo aniversario do concurso, participaron no Certame de Pintura Rápida “Vila de Cedeira” unha trintena de artistas procedentes tanto de dentro como de fóra de Galicia. O primeiro premio foi para o coruñés Francisco Victoria Cánovas, que xa participara en anteriores edicións.

Esta vez o xurado fallou ao seu favor, recibindo un recoñecemento de 900 euros e un diploma. Juan Carlos Triñanes Buceta, de Rianxo, e Marta Bravo López, de Gijón, recibiron o segundo e terceiro premio, de 700 e 500 euros, respectivamente.

Ademais do incremento das contías, por primeira vez déronse catro accésits dotados con 100 euros, que foron para a Francisco Javier González Palacios, Benigno Rodríguez Sánchez, Laureano Fernández Vidal e Andrés Gabarres Cagiao.