A SCRD Agarimo de Sillobre acollerá a cita nesta tarde de sábado, ás 19.30,  que organiza a Banda de Gaitas Tradicional Airiños de Fene dende 1988. Trátase dun encontro que cada ano homenaxea a unha agrupación, e nesta ocasión tócalle o recoñecemento a Luar Na Lubre.

Este proxecto musical ten actuado en máis de corenta países de europa e cuxos discos superan as 350.000 unidades vendidas. Este grupo actuará xunto aos organizadores, ademais das Cantareiras Xirifeiras e Xerfa, e a agrupación Breo.