Esta tarde de sábado, ás 17.00 horas, os máis pequenos teñen unha entretida cita interactiva no Pazo da Cultura cos integrantes da recoñecida agrupación Pica Pica. Belén, Nacho e Emi ocuparanse de ambientar esta proposta musical nunhas típicas festas de pobo, nas que ensinarán ao público todas as súas atraccións.

Así mesmo, animarán a todos a mover o esqueleto a través dos temas máis novos e dos grandes éxitos dos anos 80. Trátase dunha formación que foi recoñecida recentemente co Botón Diamante en Youtube por superar os 10 millóns de subscritores e as 7.500 millóns de reproducións na súa canle oficial.