A iniciativa da Agrupación Instrutiva de Caamouco abrangue dúas xornadas que comezan este venres ás 21.00 horas. Esta primeira proposta, “Lume no Casteliño”, achegará un xogacontos de Teatro Calavera para a rapazada, baixo o título de “Brincadeira Pirata”.

Ao día seguinte, o sábado á mesma hora, o “Lume no Castelo” ofrecerá un concerto de música tradicional a cargo de Dúo Fenel. Este proxecto de orixe ferrolá actuará despois do seu recente lanzamento titulado “Hotel Fenel”.