O edil de Participación Cidadá do Concello de Ferrol, Javier Díaz, informou recentemente dos datos da participación cidadá a través das chamadas e dos correos electrónicos dirixidos á administración local durante o mes de abril. 

“A oficina de atención cidadá atendeu 3.551 chamadas, do total de 4.452 que recibiu o Consistorio de Ferrol”, apuntou o concelleiro, engadindo que os departamentos que recibiron un maior número de comunicacións telefónicas foron os de Recadación, Urbanismo e o Edificio Social.

No que respecta ao buzón de suxestións, o executivo indica que se recibiron no pasado mes un total de seis escritos relativos a asuntos relacionados con obras, urbanismo ou servizos sociais.