Hoxe, 2 de abril, conmemórase o Día do Libro Infantil e Xuvenil, unha celebración á que se suma o Concello de Neda con diversas accións como a que terá lugar esta tarde de mércores, ás 18.30 horas na biblioteca municipal, na que abundará a maxia e incluso se agasallará algún exemplar.

A saga “Crónicas do Mago Errante” será a protagonista desta primeira cita, que virá da man do escritor e ilusionista Daniel Ares Blanco. O venres, no mesmo espazo e hora, a sala infantil acollerá a presentación da obra “A la aventura”, escrita por Alicia Morales Carneiro, unha veciña do concello de tan só sete anos. Ademais, a celebración tamén incluíu a visita que realizou onte o alumnado do CEIP San Isidro ás instalacións.