“Outono teatral” é o ciclo da Agrupación Instrutiva de Caamouco no que se enmarca esta actuación da compañía Agarimo, a máis veterana da Comunidade galega, que terá lugar esta tarde de sábado, ás 19.00 horas.

A representación será “As vellas non deben de namorarse”, unha reinterpretación do texto de Castelao feita por Amantia Coello, a actual directora. O grupo local A Tenencia Teatro, con Eugenia Sanmartín á cabeza, devolverá a visita a Rianxo a semana que vén.