O establecemento Dzine, en San Sadurniño, celebra esta noite de sábado unha foliada especial con motivo do 30 aniversario destes encontros. Este local rural cumpre un importante papel de atención á cultura, non so por ofrecer no seu espazo outro tipo de actividades como as exposicións, senón tamén por preservar esta tradición  que trascende a organización de eventos habitual.

A XXX Foliada está previsto que comece ás 23.00 horas, sempre contando coa participación dos músicos, que son á vez protagonistas e público. Dende Dzine animan a todo interesado a achegarse cos seus instrumentos e moita gana de festa para continuar esta tradición, ademais de agradecer a todas as persoas que posibilitaron este aniversario.