Ninguén esquece que Feijóo leva doce anos á fronte da Xunta e con competencias exclusivas en materia de industria e promoción económica. Por iso, esa necesidade de saber de que estamos a falar realmente e, máis, cando chegarán recursos europeos para a recuperación vía goberno de España. Polo que sabemos, a proposta inicial é implementar o naval e os eólicos, pero necesitamos máis.

Fai ben Mato e os demais alcaldes tendo unha actitude propositiva e pedindo claridade. O certo é que o consorcio público privado “paralelo”, que acaba de montar a Xunta con determinadas empresas para “identificar” os proxectos para Galicia, tampouco é garantía de nada. Obras son amores.