As principais novidades do programa de excelencia STEMbach presentáronse onte, entre as que se atopan as oito incorporacións de novos centros educativos, como é o IES Punta Candieira, en Cedeira. Este encontro coincidiu coa apertura do prazo para presentarse aos premios de investigación dos estudantes desta opción durante o ano académico.

O ámbito STEM refírese, polas súas siglas, ás materias de ciencias, tecnoloxía, enxeñaría ou matemáticas, uns campos nos que se centra a materia de afondamento extracurricular que cursan os estudantes deste Bacharelato de excelencia.

Aos 53 centros que ofrecen a modalidade, que inclúen o CPR Tirso de Molina e os IES Sofía Casanova, Concepción Arenal e de Ortigueira, súmanse oito novos, entre os que se atopa o instituto cedeirés. Os seus alumnos beneficiaranse do programa ao rexistrar nos seus expedientes o feito de ter cursado a ensinanza e ter prioridade á hora de participar en determinadas accións específicas das universidades.

Así mesmo, visibilizarase o traballo en feiras científicas dos estudantes do STEMbach. Ademais, a convocatoria para premiar proxectos de investigación dos estudantes deste Bacharelato de excelencia especializado, no curso 2024-2025, abriuse onte neste enlace.