A concelleira de Muller, Infancia e Multiculturaridade, Elvira Miramontes, avanzou algunhas das actividades que se van realizar con motivo do Día da Familia o vindeiro 18 de maio. O programa recolle unha visita guiada ao Arsenal de Ferrol para coñecer a exposición Playmobil, o xoves 16 ás 17:30 horas (inscricións no correo servicio_de_seguridad_am-arfer@mde.es).

Na xornada do sábado instalarase en Amboaxe un inchable (17.30 a 19.30) e haberá tres obradoiros de creación de cadros con elementos naturais, de decoración de tote bags e repostería en familia. O día rematará co espectáculo de maxia de Magic Mateo a partir das 19.30 horas.