A banda ferrolá Far Away Place é unha das tres finalistas que o próximo 7 de marzo competirá en Vigo polo premio EISV Music, un certame creado desde a Escola de Imaxe e Son de Vigo que cumpre xa oito anos e ao que se presentaron 37 grupos.
A banda de rock local, que a pesar da súa mocedade leva xa catro anos de traballo ás súas costas, preséntase na final cun tema propio, “All for liberty”. Far Away Place, formación que utiliza os locais de ensaio municipais de Ferrol, ten na actualidade gravadas varias maquetas. De momento comezan unha xira de concertos o 5 de marzo no Centro Cívico de Caranza, o día 14 en La Reserva de Ultramat, e o 11 de abril en Melide.